ტრავმატოლოგია

ორთოპედია და ტრავმატოლოგია - არის მედიცინის სფერო, რომელიც ეხება ძვალ-კუნთოვანი სისტემის ტრავმულ, თანდაყოლილ ან შეძენილ დარღვევებს.
ტრავმატოლოგია - მეცნიერებაა, რომელიც შეისწავლის ორგანოთა და ქსოვილთა დაზიანებას, მის გამომწვევ მიზეზებს, მკურნალობასა და პროფილაქტიკას. ფართო გაგებით მოიცავს სხვადასხვა ქირურგიული დისციპლინის (ნეიროქირურგია და სხვ.) მრავალ საკითხს. ვიწრო გაგებით ტერმინი „ტრავმატოლოგია“ იხმარება კლინიკური მედიცინის იმ დარგის აღსანიშნავად, რომელიც შეისწავლის საყრდენ-სამოძრაო აპარატისა (ძვლები, სახსრები, კუნთები, მყესები, იოგები) და კანის დაზიანებებს.
ორთოპედია - მედიცინის დარგია, რომელიც შეისწავლის ადამიანის საყრდენ სამოძრაო აპარატის დეფორმაციებს, დაზიანებებს, მათ პროფილაქტიკას და მკურნალობას. ორთოპედიის ჩამოყალიბებისას ფართოდ იყენებდნენ რედრესაციას, კიდურის დაჭიმვას მოტეხილობის დროს, თაბაშირის ნახვევს, მასაჟს, სამედიცინო ვარჯიშებს.