ესთეტიკური მედიცინა არის თანამედროვე მედიცინის მნიშვნელოვანი დარგი, რომელიც მიმართულია გარეგნობის გაუმჯობესებაზე. იგი მოიცავს სხვადასხვა პროცედურებს, როგორიცაა ნაწიბურების, ნაოჭების, კანის მოდუნების, ჭარბი ცხიმის მოცილება და ა.შ. ეს პროცედურები, თავის მხრივ, ზრდის პაციენტების თვითშეფასებას და ფსიქოლოგიურ კეთილდღეობას. ესთეტიკური მედიცინა იყენებს როგორც ქირურგიულ, ისე არაქირურგიულ მეთოდებს, როგორიცაა ლიპოსაქცია, სახის დაჭიმვა, ქიმიური პილინგი, ლაზერული თერაპია და სხვა. მნიშვნელოვანია, რომ ყველა ეს პროცედურა ჩატარდეს კვალიფიციური ექიმების მიერ, რათა თავიდან იქნას აცილებული გართულებები.

ტრადიციულად, იგი მოიცავს დერმატოლოგიას, პირის ღრუსა და ყბა-სახის ქირურგიას, რეკონსტრუქციულ ქირურგიასა და პლასტიკურ ქირურგიას. იგი მოიცავს როგორც ქირურგიულ პროცედურებს (ლიპოსაქცია, სახის დაჭიმვა, მკერდის იმპლანტანტები, რადიოსიხშირული აბლაცია), ისე, არაქირურგიულ პროცედურებს (რადიოსიხშირული ტალღებით კანის გამკვრივება, არაქირურგიული ლიპოსაქცია, ქიმიური პილინგი, მაღალი ინტენსივობის ფოკუსირებული ელექტრომაგნიტური ველი, რადიოსიხშირული ტალღებით ცხიმის დაშლა), ექიმებს კი მათი კომბინაციის გამოყენება შეუძლიათ. ესთეტიკური მედიცინის პროცედურები, ჩვეულებრივ, არჩევითია.